الخيمه الشعبيه ,,,

الســـلام عليـــكم ورحمـــــة الله وبركاته
شحــالكـم وشخباركم وشو علومكم ؟!..


الله يطولي بعماركم شو رايكم نبني خيمه شعبيهـ وابي منكمـ تفاعل

والحين تفضلوا في الخيمه وحي من لفانااا

القهوة و الفوالة موجوده بي نتريا لفيتكم .. وتراكم معزومين على الغداء ...








سلمكـم اللـه هالخيمه راح نسولف فيها و نطرح فيها الالغاز والأمثله الشعبيه والقصص أو كلمه عن التراث وتعطوني معناها

وان شاء الله يستفيد الجميع ..

عاد نباكم تتفاعلون ...

يالله ياهل الهمات اقربوا وشاركونا


انا اليوم عندي امثال شعبيه

يقول المثل

يصوم يصوم ويفطر على بصله:
هذا اذا صار واحد مجد ومجتهد طول حياته بعدين يخربها ويحصل على شي أقل من الي يطمح له يعني اذا تعبت لا تخربها على بصله خربها على شي يسوى؟؟ مع الاعتذار لكل البصل لووووووووووول

من سبق لبق:
يعني اللي يسبق ويروح اول هو اللي يفوز وياخذ كل شي هب مهم من هو ولا شو سوى اهم شي يروح اول

ياويل امس من قبل امس:
هذا احلى مثل سمعته بس مدري وش معناه

يدخل عصه بشين ما يخصه:
اول شي ابترجم الكلام علشان تعرفون تقرونه (يدخل: ما تحتاج شرح ، عصه: العصعص اخر فقره بجسم الانسان وهي عظمه مره صغيره ، بشين: شيئ+ تنوين كسر =شيئٍ ، ما يخصه: بعد واضحه يعني ماله دخل فيه) والمعنى كامل وانتبهو يالملاقيف لا تتدخلون بالاشياء الدقيقه والخاصه للناس خصوصيات .


وراجعين لكم ... و اتمنى من الجميع المشاركه في هاي الخيمه والخيمه خيمتكم